अयोध्येतील राम लल्लाच्या प्राणप्रतिष्ठासाठी '22 जानेवारी' हा दिवस का निवडण्यात आला? काय आहे यामागचं खास कारण? जाणून घ्या...
सध्या देशभरातील जनता 22 जानेवारी या दिवसाची आतुरतेने वाट पाहत आहेत. कारण, या दिवशी अयोध्येत नव्याने बांधलेल्या राम मंदिरात राम लल्लाची प्राणप्रतिष्ठापणा होणार आहे. अयोध्येत रामाच्या स्वागताची तयारी जोरात सुरू आहे. परंतु, तुम्हाला प्रश्न पडला असेल की, राम लल्लाच्या प्राण प्रतिष्ठेसाठी 22 जानेवारी या दिवसाचीचं का निवड करण्यात आली? तुमच्या या प्रश्नाचं उत्तर आम्ही आज या लेखातून देणार आहोत. चला तर मग 22 जानेवारी, हा दिवस प्राणप्रतिष्ठासाठी निवडण्यामागे काय कारण आहे ते जाणून घेऊयात...
ज्योतिषशास्त्रानुसार भगवान श्रीरामांचा जन्म त्रेतायुगात अभिजीत मुहूर्तावर झाला होता. सोमवार, दि. 22 जानेवारी रोजी मृगशीर्ष नक्षत्रात अभिजीत मुहूर्ताचा योगायोग आहे. अशा स्थितीत, या दिवशी अभिजीत मुहूर्त दुपारी 12.11 पासून सुरू होईल आणि 12.54 पर्यंत चालेल. त्यामुळेच राम लल्लाच्या प्राणप्रतिष्ठा करण्यासाठी ही तारीख निवडण्यात आली आहे.
याशिवाय या शुभ मुहूर्तावर राम लल्लाचा अभिषेक केल्याने प्रभू श्रीराम सदैव मूर्तीच्या आत वास करतील, अशीही श्रद्धा आहे. सनातन धर्मात कोणतेही शुभ कार्य पंचांगानुसार शुभ मुहूर्त पाहूनच केले जाते. त्यामुळे राम लल्लाच्या मूर्तीच्या अभिषेकसाठी पौष महिन्यातील द्वादशी तारीख 22 जानेवारी 2024 निवडण्यात आली आहे.
राम लल्लाच्या प्राण प्रतिष्ठापणेला विशेष योग -
या विशेष तिथीला सर्वार्थ सिद्धी योग, अमृत सिद्धी योग, रवियोग असे अनेक शुभ योग तयार होत आहेत. या वेळी प्राणप्रतिष्ठेचा शुभ मुहूर्त 12.29 ते 12.30 पर्यंत असेल. या काळात मृगाशिरा नक्षत्र असेल.